BasquePRO Elkargoak Euskaraz
BasquePRO Elkargoak proiektu bat garatzen ari da elkargo profesionaletan euskararen erabilera sustatzeko, eta horretarako laguntza publikoak eskuratzeko aukera aztertzen ari da. Horretarako BasquePRO Elkargoak interesa duten elkargoentzat laguntza eskaera kolektibo bat aurkeztu die erakundeei.
Dirulaguntza eskatzeko gestio lanak asko gutxitzeko aukera bat da, eta, aldi berean, BasquePRO Elkargoen sarearen eta jarduera partekatuen proiektua indartzen du.
Proiektu honek hamabi elkargo profesionalen atxikimendua jaso du, eta horientzat oinarrizko zerbitzu eta tresna batzuk ezarri dira, baita eskariaren araberako prestazio osagarriak ere. Webgune honetan daude denak bilduta, epostaz bidalitako erabiltzailea eta pasahitza erabilita.
Ildo horretan, dagoeneko hasi dira hainbat jarduera elkargoen barruan Jakizu berripaperaren bidez jakinarazten.
Profesionalen elkargoek eta Bilbao Metropoli-30ek koordinatuta egingo dituzten jardueren artean, horietako bat Euskaraldian BasquePRO Elkargoak gisa batera parte hartzea izango da.
Euskaraldia euskaldunen artean hizkuntza ohiturak aldatzeko ekimena da, gizartearen gune guztietara zabaltzen dena eta bi astez irauten duena. Lankidetzan egiten da, norbanakoen, enpresen, profesionalen, elkarteen eta administrazioen artean eta Euskararen Egunari beste dimentsio bat emateko sortu zen. Mundu mailan jatorrizko hizkuntzak bultzatzeko egin den ekimen sozial handiena da.
